စာရေးဆရာ - မောင်ထွန်းသူ
ခွင့်ပြု - ၄၀၁၄၀၉၁၂၀၈
ပုံနှိပ် - ၂၀၁၀ ပြည့်နှစ် ဇွန်လ
ဖြန့်ချိ - စိတ်ကူးချိုချို စာပေ

စာရေးသူ မကွယ်လွန်မီ ရေးသားခဲ့သော ကိုယ်တိုင်ရေးဘဝ ဇာတ်လမ်းဖြစ်သည်။ ပျော်ဘွယ်မြို့တွင် အစပြုခဲ့ရသော စာရေးသူ ၏ ငယ်ဘဝကို ရေးဖွဲ့ရာ၌ ပန်းစုံ ဘုန်းတော်ကြီးကျောင်းတွင် မူလတန်း တက်ခဲ့ရစဉ် ဘုန်းကြီး ဦးသုမင်္ဂလ ၏ လုပ်ပိုင်ခွင့်ကို အလွဲသုံးစားပြုခြင်းအကြောင်း ယနေ့ခေတ်လူငယ်တို့အတွက် အတွေး တစ်စအဖြစ် ရေးဖွဲ့တင်ပြထားသည်။

‘ဆရာသည် တပည့်ကို ဆုံးမပိုင်ခွင့်ရှိသည်’ ဟူသော အစဉ်အဆက်ကျင့် သုံးခဲ့သည့် အလေ့အထ…. ၊ မှန်ပါသည်။ ဆရာသည် တပည့်အား ဆုံးမပိုင်ခွင့် ရှိပါသည်။ သို့တစေလည်း ထိုက်သင့်သော ဆုံးမမှုသာ ပြုရမည်ဖြစ်သည်” ဟု စာရေးသူ၏ အာဘော်ကို ဖော်ပြထားသည်။ ဆရာမောင်ထွန်းသူသည် စာအုပ်ကို အဆုံးသတ် မသွားနိုင်ဘဲ အမေရိကန်နိုင်ငံသို့ လေ့လာရေးခရီး ထွက်ခွာခဲ့ရပုံ အထိသာရေးနိုင်ခဲ့ပြီး နောက်ဆက်တွဲ နိဂုံးပိုင်းကို ဇနီးသည် ဒေါ်ယဉ်မြင့်သူက ဆက်လက် ရေးသားထားခြင်း ဖြစ်သည်။

Ref: Commerce